Ua lub neej khuam siab tsis pom qab ua li cas, txhob xav lub neej qub qab uas tau nyob ua ke. Lub sij hawm dhau mus ntau xyoo, tseem hnov lub moo tias muaj txoj sia. Kuv tseem nyob tos koj ib leeg xwb mog. Xa lub suab nkauj ya nrog huab cua tuaj cuag koj osd me nplooj siab tus kuv hlub tshua. Kuv tseem nco wb txoj kev sib hlub uas dhau los. Rov qab mus txog wb tej qub chaw nco txog koj lub ntsej muag luag ntxiv. Tsis txhob txaj muag wb thiaj tau sib puag, muaj ib hnub li tau sib cuag. Mloog zaj nkauj no txhob tso kuv tseg mog. Mus ua lub neej tau zoo tsis nco txog kuv lawm. Thov lub ntuj lub teb pov hwm koj kom noj qab nyob zoo mog. Rov los kuv tseem hlub ib yam li qub mog. Tseem tos koj ib leeg xwb osd me nkauj Hmoob tus siab dawb. Wb lub neej dhau los cia ua ib zaj dab neeg xwb. Tus kuv hlub tshaj mam nco khuv xim tuaj tom qab. Wb nyob ua ke los tau ntev xyoo, tam sim no tsis hnov koj lub hmoo. Mus zoo koj mog leej nus tus kuv hlub. Puas npau suav pom kuv thiab osd. Niam nkauj txhav qaib txiv nraug txhav noog, ua neej nyob ntsiag moo. Txoj hmoo tsis sib tau ces mam los hlub lwm tiam mog me leej muam tus zoo ua nyab. Zais txoj kev hlub cia tuaj nruab siab mus ib txhiab, cia txoj kev chim tuaj nruab plawv mus ib sim. Zoo niaj zoo xyoo lub ntuj tshav es puas muaj hnub koj tig rov fib qab. Nkauj Hmoob tus kuv nyiam, los sib nrhiav hlub rov fab lwm tiam. Nraug Hmoob tus kuv tshua, rov los sib wb sib puag mog. Lub siab tseg tsis tau koj mus ua luag poj, txoj kev nco tsis muaj hnub ploj. Ua ib siab mus ua lub nyab es txhob tig rov fib qab, thiaj tsheej luag tus nkauj nyab mog. Lub ntuj tig lub teb qaws, thiaj tau rov los nyob lub qub chaw; cia wb sib zeem ua nkauj muam nraug nus los hlub tshua xwb mog. Vim niam txiv tsis pom zoo wb sib sau, es wb thiaj tsis sib tau los ua txij nkawm nyob ua ib yig. Yog muaj txoj hmoo koj muaj tub kuv muaj ntxhais, es mam cia sib qaws los ua ib cuab, wb thiaj tau los ua poj cuag yawm cuas. Mus zoo koj mog leej muam tus kuv nco txhua hnub txhua hmo. Lub ncauj tsis hais los lub siab twb yuav ncaim lawm tiag, yuav tseg koj cia rov tom qab. Nyob hauv lub siab lub ntsws mob khis rhe tseg tsis taus koj mog leej nus, xav hais ib lo lus los koj twb muaj ib tug lawm tiag. Xav tias txhob nco thiaj tsis ua rau yus mob, los tseem tseg tsis tau koj. Cheem tsis tau txoj kev sib nco, lub kua muag thiaj poob nrog tuaj nruab a, chim siab npaum cas los yuav tau xav. Noj qab noj tsuag los tau ntsib dua, txawm nco npaum twg los kav liam, tiam no cia muab khaws ua dab neeg faus cia tuaj nruab siab mus ib txhiab ib txhis. Ua ib siab tias zaum no yog daim ntawv tsis sib raug, es thiaj tsis sib tau. Txom nyem siab ntsws npaum cas los yuav tau ua twj ywm, txhob hais tshwm rau luag paub, thiaj yuav tsis tau plaub. Yog muaj lwm tiam wb mam rov los sib hlub dua, txoj kev npau suav ua yam dhau los, cia siab tias muaj hnub yuav cuag tau koj. Hnub no ces ua ib siab tu siab nrho txoj kev nco. Nag hmo ces yog wb lub chaw nco, tag kis ces wb yuav ncaim ib sim. Txhua yam tau ua rau koj ces yuav khaws tseg tuaj nruab siab, nco ntsoov tuaj nruab plawv hnub txoj sia tu nrho. Kev sib hlub ces zoo li cua tshua ib vuag dua xwb. Nco mus ib txhis tsis muaj hnub ploj, vim yog tsis tau koj los puag ua sev. Koj yog kuv lub chaw nco txhua hnub txhua hno. Kuv xav hais ib lo rau koj los tsis tau. Peb sawv daws los tseem noj qab nyob zoo ib yam li thaum nej tseem nrog peb nyob thiab. Ntu no nej noj nyob li cas lawm osd me nraug Hmoob? Peb tau hnov nej cov suab nkauj nrov mus thoob qab ntuj. Tseem nco thaum kuv yaws koj daim tiab, pom nkauj muam Hmoob tus ncej qab liab; cim tau thaum tshem koj daim tiab taw, nco txog thaum wb pw ua ke ntawm koj lub chaw. Ua ib siab tso mus rau luag hlub, vim kuv yog tus nws ntxub.
Tshaj Meej Yaj Nco Zos Vib Nais |
| 719 views views | 4,088 followers |
| 3 Likes | 3 Dislikes |
| Entertainment | Upload TimePublished on 2 Jan 2018 |
Không có nhận xét nào:
Đăng nhận xét